Adam Hłobus i Pavał Kaściukievič u Viciebsku — 12 maja
11.05.2015 / 11:22
12 maja ŭ 18.30 na Art-bazie vitebsk4me (vuł. Kastryčnickaja,13, u arku naprava) projdzie čarhovaja impreza ź sieryi «Sustrečy z Hiedrojcam», što ładziacca Biełaruskim PEN-centram sumiesna z Ambasadaj Respubliki Polšča.
Na adviedziny ŭ Viciebsk pryjeduć Adam Hłobus i Pavał Kaściukievič.
Adam Hłobus — piśmieńnik, mastak, vydaviec. U 2013-m jaho kniha «Skazy» była adznačanaja III premijaj, a sioleta Adam Hłobus uvachodzić u skład žury Premii imia Ježy Hiedrojca.
Pavał Kaściukievič — prazaik, pierakładčyk izrailskaj i amierykanskaj litaratury, jaki ŭ sakaviku 2012 hoda staŭ pieršym łaŭreatam Premii imia Ježy Hiedrojca. Litaratar pradstavić čytačam knihi apaviadańniaŭ «Dušpastyrskija spatkańni dla dačnikaŭ» i «Zbornaja RB pa niehałoŭnych vidach sportu».
Viadzie viečarynu paet i pierakładčyk Andrej Chadanovič.
Uvachod volny!