Byłyja žurnalisty haziety «Biełorusy i rynok» prezientavali ŭłasny sajt
Resurs pad nazvaj belrynok.by staŭ pracavać siońnia, 11 maja.
11.05.2015 / 12:45
U zajavie, źmieščanaj na novym sajcie, adznačajecca:
«My vitajem vas na sajcie Biełrynok, dzie raźličvajem sustreć našych starych i novych siabroŭ. My — heta kamanda, jakaja 20 hadoŭ pracavała ŭ ekanamičnym tydnioviku «Biełaruski rynak» (paśla - «Biełorusy i rynok»). Hazieta «Biełorusy i rynok» spyniła pracu ŭ zvykłym vam farmacie, i siońnia novy numar vyjdzie biez našych imionaŭ i artykułaŭ. Amal usia redakcyja — žurnalisty, jakija doŭhija hady znachodzili dla vas naviny, pisali analityku, i śpiecyjalisty, jakija hetyja materyjały vyčytvali i rychtavali da druku, — zvolnilisia sami abo byli zvolnienyja.
My syšli, bo sa źmienaj kiraŭnictva, redakcyjnaj palityki i tematyki heta ŭžo bolš nie naša hazieta.
(…)
My pryjšli siudy z nadziejaj i žadańniem stvaryć u Biełarusi novaje ŚMI, zasnavanaje na žurnalisckaj inicyjatyvie. My pryjšli, bo vybirajem jakasnuju, praŭdzivuju žurnalistyku. I chočam stać terytoryjaj niezaležnaha ekśpiertnaha mierkavańnia i zdarovaha sensu. My pryjšli, bo vybirajem Svabodu. Svabodu słova».
***
Z vydańnia «Biełorusy i rynok» syšła bolšaja častka kalektyvu. Nahodaj stała źmiena akcyjaniera i hałoŭnaha redaktara haziety. Vydańnie pakinuli ŭsie viadomyja žurnalisty: Taćciana Manionak, Paŭluk Bykoŭski, Alaksandr Alesin, Iryna Kryłovič i inšyja, ahułam bolš za dziesiać čałaviek. Pa słovach žurnalistaŭ, im nie padyšła taja kantentnaja palityka, jakuju im prapanavała novaje kiraŭnictva.