Karejcy pradstavili niedarahi elektramabil z vuhlapłastyku
Śćviardžajuć, što jak Tesla, tolki tańniej i enierhaefiektyŭniej.
11.05.2015 / 13:01
Fota: Nikkei Technology
Paŭdniovakarejskaja kampanija Power Plaza Co pradstaviła elektramabil Yebbujana R (što pierakładajecca jak «ci jana nie cudoŭnaja?»).
Mašyna moža stać surjoznym kankurentam Tesla Model S — jaje cana składzie kala 40 tysiač dalaraŭ, što minimum u dva razy tańniej za «Tesłu».
Jak zajaŭlaje vytvorca, Yebbujana R maje zaŭvažna lepšyja charaktarystyki. Jana moža prajechać na adnoj zaradcy da 571 km u haradskim cykle (suprać 430 u «Tesły» ŭ madyfikacyi 85D). Jana maje akumulatar mienšaj za «Tesłu» jomistaści (54 kVt·hdz suprać 85 u «Tesły»), ale tracić u dva razy mienš enierhii na kiłamietr (10 Vt·hdz suprać 20 Vt·hdz u «Tesły»).
Yebbujana R maje maksimalnuju chutkaść 198 km/hdz suprać 250 u «Tesły». Da sotni jana razhaniajecca za 4,6 s., u čym amal nie sastupaje «Teśle» 85D, ale prajhraje P85D, što razhonicca da sotni za 3,1 s (ale i kaštuje 105 tysiač dalaraŭ).
Karejcy nie raskryvajuć usich sakretaŭ ekanamičnaści svajoj mašyny. Ale adzin ź ich, vierahodna, heta vaha mašyny. Yebbujana R važyć tolki 745 kh («Tesła» — 2100 kh). Korpus mašyny vykanany z vuhlapłastyku (Carbon fiber–reinforced polymer) — materyjału, jaki zvyčajna ličycca nadta darahim dla takoha cenavaha siehmientu.
Vypusk aŭto na karejski rynak kampanija płanuje ŭ kancy 2016 hoda. Pra płany na mižnarodny rynak zajaŭ nie było.
Čytajcie taksama: «Tesła» — aŭtamabil budučyni bieź bienzinu, jaki imkliva zavajoŭvaje amierykanski rynak