Nieviadomy kreatyŭna ŭhnaŭ dziciačaje zoaaŭto ŭ Minsku

Minskaja milicyja adšukvaje vykradalnika zoamabila z handlovaha centra ŭ staličnym rajonie Kamiennaja Horka.

11.05.2015 / 14:05

Jak paviedamlaje HUUS Minharvykankama, kala 22.30 6 maja ŭ handlovym centry pa vulicy Kamiennahorskaj nieviadomy małady čałaviek vykraŭ dziciačy zoamabil koštam kala 15 młn. rubloŭ. 

Kamiery videanazirańnia vyjavili chłopca ŭ sinim spartyŭnym kaściumie, jaki, razmaŭlajučy pa mabilnym telefonie, prysieŭ na dziciačy elektramabil.

Asiadłaŭšy «miedźviedziania», jon, adpichvajučysia nahami, pakataŭsia pa faje, zatym nakiravaŭsia da vychadu z handlovaha centra i paśla — na vulicu.

Na hetym ža «transpartnym srodku» złačynca skryŭsia ŭ nieviadomym napramku. 

Milicyja zaklikaje hramadzian, jakija paznali hetaha čałavieka, paviedamić ab hetym. Kanfidencyjalnaść harantujecca.