Фестываль тату: ад Саладухі да «Пагоні» ФОТЫ
31.05.2015 / 20:41
У Палацы мастацтваў прайшоў трэці беларускі фестываль татуіроўкі «Tattoo Fest 2015». На фестывалі выступілі найлепшыя тату-майстры Беларусі.
Татуіроўка Дзмітрыя Мірава стала самай адметнай. Майстар набіў свайму сябру партрэт Аляксандра Саладухі. Дзмітры жартуе, што гэта традыцыйная беларуская татуіроўка.
Паша, студэнт Акадэміі мастацтваў, размалёўвае скейты. Героем кампазіцыі таксама стаў Саладуха.
Заслаўскі татуіроўшчык Сяргей Кароль працуе з нацыянальнай тэматыкай. Нават атрымліваў узнагароды за тату з «Пагоняй».
Сяржук мае чатыры татуіроўкі з «Пагоняй» у розных стылях. Кожная прысвечана нейкаму нацыянальнаму святу.
Мастак Алесь Пушкін выставіў свае эскізы для татуіровак на нацыянальную тэматыку.
Дзмітры Міраў, аўтар татуіроўкі «Саладуха», атрымаў прыз глядацкіх сімпатый.