Блатэр знаходзіцца пад следствам ФБР і Мінюста ЗША
03.06.2015 / 08:35
Прэзідэнт ФІФА Ёзэф Блатэр знаходзіцца пад следствам ФБР і Міністэрства юстыцыі ЗША ў рамках справы аб карупцыі ў арганізацыі, перадае тэлекампанія ABC News са спасылкай на свае крыніцы.
ФБР не пацвярджае афіцыйна, што Блатэр — сярод галоўных мішэняў расследавання.
«Цяпер людзі будуць спрабаваць выратаваць сябе, і магчыма, справа дойдзе да гонкі «хто першым здасць Блатэра», - прыводзіць словы аднаго з інфарматараў тэлекампанія.
Учора Блатэр абвясціў, што сыдзе ў адстаўку.