Źniščalnik MiH-29 raźbiŭsia ŭ Astrachanskaj vobłaści RF
04.06.2015 / 18:19
Źniščalnik MiH-29 paciarpieŭ krušeńnie pad Astrachańniu, u rajonie palihona «Ašułuk». Pra heta paviedamiła krynica ŭ ekstranych słužbach. Pavodle jaje słoŭ, abodva piłota paśpieli katapultavacca.
TASS
Pavodle papiarednich dadzienych, samalot vykonvaŭ trenirovačny palot. Z-za techničnaj niaspraŭnaści pavietranaha sudna paŭstała pahroza žyćciu piłotaŭ, i jany katapultavalisia.
Hetuju infarmacyju paćvierdzili ŭ Minabarony RF. U viedamstvie paviedamili, što źniščalnik vykonvaŭ palot biez bojekamplekta.
Jak paviedamili ŭ ekstrannych słužbach Astrachanskaj vobłaści, abodva piłota MiH-29 znojdzienyja, ich evakuirujuć na viertalocie. U Minabarony paviedamili, što abodva piłota vyjšli na suviaź i dałažyli «ab udałym pryziamleńni paśla katapultavańnia».
U viedamstvie dadali, što razbureńniaŭ na ziamli ŭ rajonie padzieńnia źniščalnika niama.
Pradstaŭnik siłavych struktur zajaviŭ, što vučebna-trenirovačny samalot MiH-29 Minabarony Rasii ŭ vyniku krušeńnia całkam razburany i adnaŭleńniu nie padlahaje.