Кіраўніком патрульнай паліцыі Кіева прызначылі баявога афіцэра
11.06.2015 / 23:41
Міністр унутраных спраў Арсен Авакаў прызначыў шэфам новай патрульнай паліцыі Кіева маёра Аляксандра Фацэвіча.
Фацэвічу ўсяго 27 годоў. У мінулым ён прафесійны вайсковец. Ён скончыў Адэскі інстытут сухапутных войскаў і служыў у арміі ў дэсанце.
Па заканчэнні кантракта выкладаў у Валынскім ліцэі з узмоцненай вайскова-фізічнай падрыхтоўкай. Навучаў байцоў Самаабароны Валыні. Жанаты, мае 5-гадовую дачку.
«Калі мы ў МУС пачалі ствараць добраахвотніцкія батальёны ва ўсёй краіне, Аляксандр без разважанняў пагадзіўся ўзначаліць роту патрульнай службы спецыяльнага прызначэння «Свіцязь» у Валынскай вобласці», — паведаміў Авакаў.
«Фацэвіч адбіраў байцоў па трох крытэрах: добрая фізічная падрыхтоўка, служба ў арміі і гатоўнасць абараняць Радзіму», — дадаў ён.
Баявое хрышчэнне рота «Свіцязь» брала ў баях пад Ілавайскам. У снежні 2014 байцы «Свіцязі» былі накіраваны пад Дэбальцава. Там тры дні «Свіцязь» трымаў абарону ў атачэнні. Пасля Фацэвічу ўдалося вывесці байцоў з атачэння без страт.
«Калі сысці ад строгіх радкоў афіцыёзу, Аляксандр — адзін з самых аўтарытэтных баявых афіцэраў-камбатаў МУС», — напісаў Авакаў.