Pavodka ŭ Tbilisi: 9 čałaviek zahinuli, z zaaparka źbiehli drapiežniki
14.06.2015 / 11:50
Pa mienšaj miery dzieviać čałaviek zahinuli ŭ vyniku pavodki ŭ noč na niadzielu ŭ stalicy Hruzii Tbilisi.
Šmathadzinny livień pryvioŭ da padtapleńnia niekalkich rajonaŭ horada: zatoplenyja dvary, pieršyja pavierchi i padvały sotniaŭ damoŭ, padziemnyja pierachody.
Z zatoplenaha zaaparka źbiehli, u tym liku, šeść lvoŭ, šeść tyhraŭ, siem miadźviedziaŭ i 13 vaŭkoŭ. Častka ź ich była zabitaja śpiecnazam, častku atrymałasia ŭsypić i viarnuć u zaapark. U samym zaaparku zahinuli niekalki dziasiatkaŭ žyvioł.
Mer Tbilisi David Narmanija zaklikaŭ žycharoŭ nie vychodzić na vulicy i paviedamlać pra zaŭvažanych drapiežnikaŭ.
Najbolš składanaj situacyja ŭ Tbilisi zastajecca ŭ rajonie trasy Vakie-Saburtała, dzie nočču byli zatoplenyja pryvatnyja žyłyja pabudovy ŭ ciaśninie raki Viere. MUS Hruzii zajaŭlaje, što pakul nieviadomy los kala 10 čałaviek.