Vandały ŭ Viciebsku zapeckali farbaj hrafici z vyjavaj Dacenta (Jaŭhiena Lavonava)
23.06.2015 / 11:50
Vandały zapeckali čyrvonaj farbaj hrafici z vyjavaj viadomaha akciora Jaŭhiena Lavonava ŭ vobrazie Dacenta z savieckaj kinakamiedyi «Džentelmieny pośpiechu».
Fota sapsavanaha tvora vuličnaha mastactva ŭ svaim Instagram raźmiaściła błohier 07viv06 siońnia ranicaj. Jak vidać z fatahrafii, na partrecie farbaj zapeckany tvar i levaje plačo, taksama klaksy paciakli ŭniz.
Hrafici z vyjavaj Lavonava na transfarmatarnaj budcy na rahu Smalenskaj vulicy i Smalenskaha zavułka ŭ Viciebsku źjaviłasia ŭ kancy maja, jaho stvaryła viadomaja stryt-art-kamanda «HoodGraff».