Parašenka adchiliŭ ad pasady kiraŭnika Dziaržavijasłužby paśla krytyki Saakašvili
27.06.2015 / 12:02
Pa Dziaržavijasłužbie Ukrainy budzie praviedziena słužbovaje rasśledavańnie.
Pra heta ŭ fejsbuku paviedamiŭ prezident Piatro Parašenka paśla zajavy hubiernatara Adeskaj vobłaści Michaiła Saakašvili na pasiadžeńni dziaržkamisii, dzie jon abvinavaciŭ kiraŭnika słužby Dzianisa Antaniuka ŭ absłuhoŭvańni aliharchičnych intaresaŭ manapalista avijarynku.
«Sabraŭ staršyniu Adeskaj ADA i ministra infrastruktury. Vysłuchaŭ arhumienty A.Pivavarskaha i Saakašvili. U vyniku ab dziejnaści Dziaržavijasłužby budzie praviedziena rasśledavańnie, padčas jakoha kiraŭnik słužby D.Antaniuk budzie adchileny ad vykanańnia słužbovych abaviazkaŭ», — zajaviŭ Parašenka.
Jak viadoma, napiaredadni Saakašvili abvinavaciŭ Antaniuka ŭ tym, što jon absłuhoŭvaje aliharchičnyja intaresy manapalista avijarynku, paśla pasiedžańnia kamisii dziaržavaj, dzie padavali dazvołu na maršruty avijakampanijam.
«Ja ŭpeŭnieny, što vielmi chutka buduć vyjaŭlenyja karupcyjnyja suviazi, jakimi hetaje rašeńnie pradyktavana, kankretnym manapalistam, bo zarobkaŭ tut nichto nie atrymlivaje. Zarobki vy atrymlivajecie ŭ kankretnych ludziej», — zajaviŭ Saakašvili.