Śviatočny salut 3 lipienia pačniecca ŭ 23:00
30.06.2015 / 11:57
Salut u honar Dnia Niezaležnaści Biełarusi projdzie 3 lipienia va ŭsich abłasnych centrach krainy, a taksama ŭ Bresckaj krepaści. Pačniecca ŭ 23.00.
Pra heta paviedamiŭ siońnia vajenny kamiendant vajskovaj kamiendatury Uzbrojenych Sił Biełarusi Anatol Hrycaŭ na pres-kanfierencyi
«Salut pačniecca na ŭsioj terytoryi Biełarusi sa skančeńniem vykanańnia dziaržaŭnaha himna. Mahčymaja zatrymka 15-20 siekundaŭ», — rastłumačyŭ Hrycaŭ.
U Minsku śviatočny salut budzie pravodzicca z šaści ahniavych pazicyj. Tradycyjna najbolš jarki salut budzie ŭ rajonie parku Pieramohi.