Naka zapisała svaju «Malitvu» na vierš Janki Kupały
07.07.2015 / 22:08
«Malitva» stanie zahałoŭnym numaram u budučym biełaruskamoŭnym albomie hurta, nad jakim muzyki ciapier pracujuć.
Vakalistka Naka Nasta Špakoŭskaja kaža: «Ja adčuvaju, što jon stvarajecca pad uražańniem vajny. Amal kožnaja pieśnia prasiaknutaja pavietram niespraviadlivaści taho, što dziejecca i rozdumam nakont taho, što ŭsio ž adbyvajecca z nami, kali nia maje miery cyničnaść i straty nie paddajucca padliku. Mienavita hetyja pačućci dapamahli sfarmavać hučańnie pieśni i paŭpłyvali na jaje emacyjny pasył». Prem’ieru novaha tvoru Nasta vyrašyła zrabić 7 lipienia — u dzień narodzinaŭ Janki Kupały, jaki napisaŭ hetyja słovy, jakija nia tolki nia stračvajuć aktualnaść bolš čym praz 100 hadoŭ, ale i nabyvajuć u ciapierašnich abstavinach novy sens.
Praca nad «Malitvaj» hurta Naka viałasia ŭ studyi Vintagmixing z hukarežyseram Anatolem Šmanajem pry supracy z Andrejem Papkovym. Hurt taksama pracuje nad klipam na hetuju pieśniu, prem’iera jakoha pryznačana na kastryčnik. Na kaniec vosieni pryznačany i reliz albomu «Maja malitva», i kancertnaja prezentacyja.
Čytajcie taksama: Sud za «Malitvu»: Špakoŭskaja zapłacić Moŭčanu 9 młn kampiensacyi
Fłeš-mob u dziejańni! Pauline zapisała svaju «Malitvu»