Ekśpierty prahnazujuć dalejšaje padzieńnie cen na naftu
10.07.2015 / 17:06
Značnaja pieravytvorčaść nafty i dalej budzie šturchać suśvietnyja ceny na jaje ŭniz, prahnazuje Mižnarodnaje enierhietyčnaje ahienctva. Tendencyja praciahniecca da kanca hetaha hoda i piarojdzie ŭ 2016, vynikaje sa štomiesiačnaha ahladu arhanizacyi pa rynku nafty.
«Na rynku nafty nazirałasia ŭ druhim kvartale 2015 istotnaja praźmiernaść prapanovy, jana zastajecca i ciapier», — adznačajuć ekśpierty ahienctva.
Pavodle ich raźlikaŭ, u druhim kvartale suśvietnaja vytvorčaść nafty znachodziłasia na ŭzroŭni 96,39 młn barelaŭ u dzień, u toj čas jak realny popyt składaŭ 93,13 barelaŭ u dzień.
«Vidavočna taksama i toje, što zdolnaść rynku absarbavać hetuju praźmiernaść naŭrad ci budzie doŭžycca. Abjom schoviščaŭ na sušy abmiežavany. Toje ž samaje i z tankiernym fłotam. Novyja zavody pa pierapracoŭcy nafty nie budujucca kožny dzień», — havorycca ŭ dakładzie.
«Dno rynku, mahčyma, jašče napieradzie», — pakazvajuć śpiecyjalisty Mižnarodnaha enierhietyčnaha ahienctva, jaki źjaŭlajecca aŭtanomnym ekśpiertnych centram u ramkach Arhanizacyi ekanamičnaha supracoŭnictva i raźvićcia (u jaje ŭvachodzić 34 raźvityja dziaržavy).
U apošnija niekalki miesiacaŭ ceny na naftu vyraśli paśla samaha hłybokaha za šeść hadoŭ spadu ŭ studzieni, kali košt barela nafty marki Brent (ličycca markieram dla vyličeńnia ceny na mnohija inšyja hatunki nafty) dasiahnuła 45 dalaraŭ.
Ciapier jana tarhujecca na adznacy 59,59 dalara za barel. Heta najmienšy košt resursu za apošnija try miesiacy: jak adznačajuć ekśpierty Mižnarodnaha enierhietyčnaha ahienctva, na košt ciśnie finansavy kryzis u Hrecyi i niavyznačanaść na fondavaj biržy ŭ Kitai.