Ва Украіне па страляніне ў Мукачаве распачатая крымінальная справа
12.07.2015 / 13:21
Ва Украіне распачатая крымінальная справа адносна страляніны ў Мукачаве, справу перадалі для далейшага расследавання ў Галоўнае следчае ўпраўленне ўкраінскай Генпракуратуры.
Па распараджэнні генпракурора Віктара Шокіна, створана сумесная следча-аператыўная група з супрацоўнікаў цэнтральных органаў ГПУ, Службы бяспекі Украіны і Міністэрства ўнутраных спраў.
Раней пракуратура Закарпацкай вобласці пачала расследаванне па факце стварэння злачыннай арганізацыі і тэрарыстычнага акту.