У Маскве збілі кіраўніка фірмы грамзапісу «Мелодыя»: зламаныя рэбры, нос, чэрапна-мазгавая траўма
16.08.2015 / 13:08
Фота ТАСС.
Па факце збіцця намесніка кіраўніка Расійскага аўтарскага таварыства (РАТ) Андрэя Крычэўскага распачата крымінальная справа, «праводзіцца мерапрыемства для затрымання правапарушальнікаў», распавялі ў паліцыі, перадае ТАСС. Крычэўскі таксама ўзначальвае фірму грамзапісу «Мелодыя».
Супрацоўнікі пацярпелага звязваюць напад з прафесійнай дзейнасцю Крычэўскага: 17 жніўні пацярпелы павінен быў прысутнічаць на нарадзе ў Мінюсце РФ, прысвечанай стварэнню прафсаюза дзеячаў культуры Расіі.
Напад адбыўся ў ноч на 15 жніўня на Новаслабодскай вуліцы ў Маскве. Нападалі утрох. Яны зламалі Крычэўскаму рэбры, нос і нанеслі чэрапна-мазгавую траўму.
Крычэўскі быў шпіталізаваны ў бальніцу ім. Боткіна, але з-за пагаршэння стану яго пазней перавялі ў Цэнтральную клінічную бальніцу.