Nacbank prakamientavaŭ situacyju na valutnym rynku Biełarusi
20.08.2015 / 14:52
fota Vadzima Zamiroŭskaha, Tut.by
U suviazi z aktyŭnym abmierkavańniem situacyi na valutnym rynku Respubliki Biełaruś u ekśpiertnaj supolnaści, drukavanych i elektronnych srodkach masavaj infarmacyi, internet-prastory Upraŭleńnie infarmacyi i hramadskich suviaziej Nacyjanalnaha banka Respubliki Biełaruś paviedamlaje nastupnaje.
U pačatku hetaha hoda Nacyjanalny bank Respubliki Biełaruś źmianiŭ padychody da praviadzieńnia kursavoj palityki, pierajšoŭšy da vykarystańnia hnutkaha miechanizmu farmiravańnia abmiennaha kursu biełaruskaha rubla pry minimalnym udziele Nacyjanalnaha banka ŭ biržavych tarhach. Pa sutnaści heta rynkavaje kursaŭtvareńnie, pry jakim kurs nacyjanalnaj valuty ŭ adnosinach da dalara ZŠA i inšych zamiežnych valut farmirujecca na asnovie popytu i prapanovy na valutnym rynku.
Adkazvajučy na pytańni žurnalistaŭ 4 žniŭnia 2015 hoda padčas pres-kanfierencyi dla pradstaŭnikoŭ biełaruskich i zamiežnych ŚMI, staršynia Praŭleńnia Nacbanka P.Kałaur adznačyŭ adsutnaść unutranych faktaraŭ, jakija b ŭździejničali na kurs biełaruskaha rubla i istotnym čynam źmianiali jaho dynamiku. Pry hetym kiraŭnik Nacyjanalnaha banka asabliva padkreśliŭ, što va ŭmovach miechanizmu ŭ Biełarusi rynkavaha kursaŭtvareńnia dalejšaja dynamika kursu nacyjanalnaj valuty šmat u čym budzie zaležać ad źmieny źniešnich faktaraŭ, pierš za ŭsio cany na naftu i dynamiki kursaŭ valut u krainach — asnoŭnych handlovych partniorach Respubliki Biełaruś.
Za minuły pieryjad na suśvietnych finansavych rynkach adbylisia surjoznyja źmieny, jakija pryviali da istotnaha pavyšeńnia vałacilnaści šerahu klučavych ekanamičnych pakazčykaŭ. Takija kanjunkturnyja faktary, jak rezkaje źnižeńnie suśvietnych cenaŭ na naftu, značnaje pasłableńnie kursaŭ rasijskaha rubla, kitajskaha juania i kazachstanskaha tenhie, u značnaj stupieni akazali ŭpłyŭ na ŭnutrany valutny rynak našaj krainy, uzmacniŭšy vałacilnaść abmiennaha kursu biełaruskaha rubla da asobnych valut.
Hnutkaja kursavaja palityka, jakaja pravodzicca Nacbankam, dazvalaje abmiennamu kursu vystupać u jakaści absarbienta niespryjalnych źniešnich faktaraŭ, źnižajučy stupień źniešnieekanamičnych dysbałansaŭ. Pry hetym va ŭmovach prymianieńnia režymu kiravanaha płavańnia biahučaja dynamika abmiennaha kursu biełaruskaha rubla, jakaja składvajecca jak reakcyja na źniešnija ekanamičnyja faktary, dazvalaje padtrymlivać kankurentazdolnaść ekanomiki i dziełavuju aktyŭnaść, vystupać faktaram makraekanamičnaj stabilnaści.
Upłyŭ źniešnich kanjunkturnych faktaraŭ moža pryvodzić da roznanakiravanaha ruchu kursu, uzmacniajučy tym samym jaho vałacilnaść. Pa miery źnižeńnia turbulentnaści na źniešnich rynkach i asłabievańnia kanjunkturnych faktaraŭ budzie źnižacca i vałacilnaść abmiennaha kursu biełaruskaha rubla.
Dziejańni Nacyjanalnaha banka nakiravany na źnižeńnie praźmiernych kanjunkturnych vahańniaŭ kursu, nie pieraškadžajučy dziejańniu fundamientalnych faktaraŭ. Manietarnaja i biudžetna-padatkovaja palityka zaklikana zabiaśpiečyć padtrymku abmiennamu kursie i abmiežavalnamu efiektu na inflacyju.
U bližejšaj pierśpiektyvie namahańni Nacyjanalnaha banka buduć skancentravany na dasiahnieńni cenavaj stabilnaści, zaklikanaj zachavać pakupnickuju zdolnaść biełaruskaha rubla.
Stabilizacyja inflacyjnych pracesaŭ zabiaśpiečyć ustojlivaść ekanomiki ŭ siarednieterminovaj pierśpiektyvie i budzie spryjać farmiravańniu ŭmoŭ dla zabieśpiačeńnia doŭhaterminovaha ekanamičnaha rostu.