Zacharčanka znoŭ paabiacaŭ zachapić Maryupal i Słaviansk
28.08.2015 / 10:50
Kiraŭnik samaabvieščanaj «Danieckaj narodnaj respubliki» (DNR) Alaksandr Zacharčanka paabiacaŭ zachapić Maryupal i Słaviansk Danieckaj vobłaści. Pra heta jon zajaviŭ u intervju sieparatysckija vydańniu «Palitnavihatar».
«Maryupal i Słaviansk my abaviazkova vyzvalim… U šerahach armii DNR zmahajecca šmat bajcoŭ z hetych haradoŭ», — zajaviŭ Zacharčanka.
Jon zajaviŭ, što bajeviki imknucca, jak minimum, zachapić usiu Danieckuju vobłaść. «Ja ŭžo nie raz kazaŭ, što prahrama-minimum — heta DNR u miežach byłoj Danieckaj vobłaści. Ułasna, dasiahnieńnie hetaj mety šmat u čym stanie i tak zvanym «prymusam da miru», — skazaŭ lidar DNR.
Jon śćviardžaje, što ŭ vypadku zachopu bajevikami ŭsioj Danieckaj vobłaści, u Kijevie moža pačacca novy Majdan, što pryviadzie da źmieny ŭłady.
«Mahčyma, ź imi my zmožam znajści ahulnuju movu», — adznačyŭ vierchavod danieckich bajevikoŭ.
Pry hetym jon padkreśliŭ, što ab zachopie sieparatystami ŭsiaho paŭdniovaha ŭschodu Ukrainy (prajekt «Navarosii») kazać pakul rana.