Патэнцыйны кандыдат у прэзідэнты Цярэшчанка «атруціўся ў кавярні» ў цэнтры Мінска
28.08.2015 / 10:52
Патэнцыйны кандыдат на пасаду прэзідэнта Віктар Цярэшчанка трапіў у бальніцу. Раніцай 28 жніўня палітык і кіраўнік яго ініцыятыўнага штаба снедалі ў кавярні на вуліцы Карла Маркса ў Мінску. Раптам Цярэшчанку стала кепска.
«Пасля некалькіх глыткоў соку ў Віктара Іванавіча пачалі свярбець вочы, а яшчэ праз 5 хвілін ён проста змяніўся з твару - апух і збялеў увесь», — распавёў кіраўнік штаба Цярэшчанкі Алег Несцяркоў.
Палітыку выклікалі «хуткую». Па словах лекараў, прычына здарэння ў «алергічнай рэакцыі на нейкі кампанент». Больш канкрэтна нешта казаць яны адмовіліся. Палітыка адвезлі ў 3-ю клінічную лякарню для здачы аналізаў.