Papa Francišak spraściŭ praceduru anulavańnia šlubu dla katolikaŭ
08.09.2015 / 16:34
Papa Francišak radykalna refarmavaŭ praceduru anulavańnia šlubaŭ u katalickaj carkvie. Reforma dazvolić bolšaj kolkaści katolikaŭ razvodzicca i znoŭ ustupać u šlub, nie parušajučy carkoŭnych kanonaŭ.
corriere.it
Biez anulavańnia katoliki, jakija razvodziacca i znoŭ ustupajuć u šlub, ličacca raspuśnikami i nie dapuskajucca da pryčaścia.
Katalickaja carkva farmalna zabaraniaje razvod, adnak muž i žonka mohuć pasprabavać dakazać, što ich šlub nikoli i nie adpaviadaŭ patrabavańniam carkvy.
Anulavańnie šlubu było zabłytanym, darahim i doŭhim pracesam, jaki byŭ niedastupny šmatlikim katolikam, asabliva ŭ biednych krainach, dzie nie było šlubnych trybunałaŭ.
Reforma ŭvodzić paskoranuju praceduru anulavańnia, kali muž i žonka nie majuć piarečańniaŭ, dazvalaje zrabić jaho biez šlubnaha trybunała, a taksama admianiaje sistemu aŭtamatyčnych apielacyj.
Francišak zajaviŭ, što asnoŭnaj metaj reformy zjaŭlajecca «vyratavańnie duš».