U Maryj Eł pastavili pomnik Stalinu
09.09.2015 / 15:56
U pasiołku Šełanhier respubliki Maryj Eł (Rasija) adkryli pomnik Iosifu Stalinu. Ab hetym paviedamlajecca na sajcie miascovaha addzialeńnia KPRF.
«Heta nie danina modzie. Apošnija sacyjałahičnyja daśledavańni pakazvajuć, što ŭ rasijskim hramadstvie ŭsio bolš ludziej z simpatyjaj staviacca da asoby pravadyra i čałavieka, imia jakoha było niezasłužana zabyta ciaham 60 hadoŭ», - havorycca ŭ paviedamleńni.
Trochmietrovy Stalin ustalavany na terytoryi sielskahaspadarčaha kaapieratyva. Aŭtarami skulptury zjaŭlajucca Anatol i Halina Miadźviedzievy.
Na dumku kamunistaŭ, cikavaść da asoby savieckaha pravadyra vyrasła ŭ suviazi z padzieńniem pramysłovaj vytvorčaści i zachodnimi sankcyjami.