Parašenka: Ukraina pakul nie hatovaja stać siabram NATA
21.09.2015 / 20:54
U ciapierašni čas Ukraina nie hatovaja stać siabram NATA, joj nieabchodna padrychtavacca, ale dźviery zastajucca adčynienymi.
Pra heta prezident Ukrainy Piatro Parašenka skazaŭ padčas sumiesnaj pres-kanfierencyi z hienieralnym sakratarom NATA Jensam Stałtenbierham paśla adkryćcia mižnarodnych vučeńniaŭ Ukraina-2015 pa likvidacyi nastupstvaŭ nadzvyčajnych situacyj u ramkach prahramy «Partniorstva ŭ imia miru» ŭ Lvoŭskaj vobłaści.
«Ci hatovaja Ukraina stać ciapier siabram NATA? Adkaz budzie vielmi prosty: nie. Nam treba da hetaha rychtavacca. Ci hatovaje NATA, kab Ukraina stała siabram? Adkaz budzie takim: nie», — skazaŭ Parašenka.
Pry hetym kiraŭnik dziaržavy adznačyŭ, što Ukraina pavinna zrabić usio, kab stać siabram Jeŭrasajuza, i kryteryi dla ŭdziełu ŭ NATA źjaŭlajucca takimi ž.
«Ale dźviery NATA dla Ukrainy zastajucca adčynienymi z 2008 hoda», — skazaŭ jon.