Zatrymany namieśnik dyrektara Mahiloŭskaha miasakambinata
21.09.2015 / 22:07
Namieśnik dyrektara AAT «Mahiloŭski miasakambinat» zatrymany pa padazreńni ŭ kradziažy.
Jak paviedamili va UUS Mahiloŭskaha abłvykankama, USK pa Mahiloŭskaj vobłaści pačało rasśledavańnie kryminalnaj spravy ŭ dačynieńni da zatrymanaha. Namieśnik dyrektara miasakambinata padazrajecca ŭ kradziažy šlacham złoŭžyvańnia słužbovymi paŭnamoctvami, h.zn. pavodle častki 2 artykuła 210 Kryminalnaha kodeksa Respubliki Biełaruś.
Heta nie pieršy fakt vyjaŭlenaha apošnim časam supracoŭnikami UBEZ UUS Mahiloŭskaha abłvykankama złačynstva z boku słužbovych asob AAT «Mahiloŭski miasakambinat». Mahčyma, chutka stanuć viadomyja imiony saŭdzielnikaŭ učynienaha.
U lipieni člen nahladalnaha savieta AAT «Mahiloŭski miasakambinat» byŭ zapadozrany ŭ kradziažy pradukcyi pradpryjemstva bolš čym na 300 młn rubloŭ.
U kancy maja zahadčyca mahazina firmiennaha handlu AAT «Mahiloŭski miasakambinat» była abvinavačanaja ŭ kradziažy niekalkich miljardaŭ rubloŭ. Kryminalnaja sprava ŭ dačynieńni da jaje była raspačata padčas rasśledavańnia dźviuch inšych spraŭ ab kradziažach na pradpryjemstvie.