Biełaruska prajšła adbor polskaha šou talentaŭ «The Voice of Poland»
24.09.2015 / 17:06
Šmathadovaja łaŭreatka fiestyvalu «Biełaruskaja pieśnia» i vypusknica Hajnaŭskaha biełaruskaha liceja zavajavała sercy žury polskaha talent-šou «The Voice of Poland».
Maładaja śpiavačka Renata Tušynskaja svaim hołasam pierakanała da siabie viadomych polskich muzykaŭ: Edytu Hurniak, Andžeja Piasečnaha dy siabraŭ hurtu «Afromental».
Ciapier jaje čakajuć čarhovyja etapy zmahańnia ź inšymi talenavitymi muzykami.
Renata Tušynskaja vučycca ŭ muzyčna-estradnaj škole i śpiavaje ŭ adnym ź biełastockich bluz-pabaŭ.
Renata Tušynskaja:
— Śpiavać u Varšavie było dla mianie vielmi ciažka: vialiki stres i vialikaja aŭdytoryja, plus słavutyja asoby… Śpiavańnie biełaruskaj pieśni było vielmi važnym u maim žyćci, biełaruskaja mova bolš mieładyčnaja.
Maci śpiavački, Helena Tušynskaja:
— Ja vielmi hanarusia, až nie staje słovaŭ. Jana zaŭsiody viedała, čaho choča i vystupała ŭ Hajnaŭcy u biełaruski hurcie «Źnička», kali vučyłasia ŭ licei.
Ciapier śpiavačka rychtujecca da čarhovaha etapu talent-šou polskaha telebačańnia. Prahrama ź jaje ŭdziełam užo ŭ kastryčniku.