У Баранавічах прадаюць тэлефоны з усталяваным Каранам і зручнай навігацыяй па Сурах ФОТАФАКТ
26.09.2015 / 10:39
«Прапаную паглядзець, што за мабільныя тэлефоны пачынаюць паступаць да нас у продаж, — даслалі «Нашай Ніве» фота з Баранавіч, — традыцыйныя колеры ісламу, задняя панэль з узорамі ва ўсходнім стылі. Таксама ў памяці прылады знаходзіцца Каран на дзвюх мовах: арабскай і рускай. Зручная навігацыя па сурах і словах дазваляе хутка знайсці патрэбны адрэзак. Апроч таго, тэлефон пяць разоў на дзень будзе нагадваць верніку пра час намазу».
Магчыма, у Беларусь завезлі партыю, прызначаную для мусульманскіх рэгіёнаў Расіі, і яна выклікае здзіўленне людзей.