Tybeckija manachi ładziać marš pratestu
Hrupy aktyvistaŭ, jakija zmahajucca za niezaležnaść Tybietu, pačali marš ź Indyi ŭ Kitaj. Jany planujuć dajści da Tybietu pad zakryćcio Alimpijskich Hulniaŭ u Pekinie.
12.03.2008 / 18:07
Marš sotniaŭ tybietcaŭ pačaŭsia ŭ indyjskim horadzie Daramsała, dzie znachodzicca rezydencyja ŭradu Tybetu ŭ vyhnańni i dom Dałaj Łamy. Arhanizatary maršu pakul nie raskryvajuć maršrut, ale spadziajucca dajści da Tybetu za 6 miesiacaŭ.
Indyjskaja palicyja zabaraniła tybeckim uciekačam sychodzić z rajonu Daramsały.
«Kali jany parušać zahad, buduć zroblenyja ŭsie nieabchodnyja kroki», — kaža Atuł Fulžyle, šef miascovaj palicyi.
Pa jaho słovach, urad suprać praviadzieńnia maršu i pierasiačeńnia miažy. Raniej padčas manifestacyj pratestu tybietcaŭ u stalicach Indyi i Niepału adbylisia sutyčki z palicyjaj.
Akcyi ŭ padtrymku niezaležnaha Tybetu taksama prachodziać u roznych krainach śvietu.