Abaronca zbornaj Biełarusi padpisaŭ kantrakt z kłubam NCHŁ
01.10.2015 / 20:36
Aleh Javienka (№25) hulaŭ na ČS-2015 u Čechii, fota Siarhieja Zinina. A toj matč suprać ZŠA my vyjhrali 5:2, u tym liku dziakujučy Alehu.
«Kałambus» padpisaŭ kantrakt ź biełaruskim abaroncam Aleham Javienkam, paviedamlaje aficyjny sajt kłuba.
Dvuchbakovaje pahadnieńnie raźličana na adzin hod.
«Aleh staranna pracavaŭ jak na lodzie, tak i pa-za im, i vydatna prajaviŭ siabie na dvuch turnirach pačatkoŭcaŭ, a taksama ŭ našym trenirovačnym łahiery.
Jon zarabiŭ hety kantrakt, i my čakajem, što jon budzie raźvivać svaju hulniu ŭ praciahu jaki maje być siezonu», - skazaŭ hienieralny mieniedžar kłuba Jarma Kiekiałajnien.
Siezon u NCHŁ startuje praz tydzień, «Kałambus Błu Džekiets» startuje hulnioj suprać «Ńju-Jork Rejndžers».