DAI Minskaj vobłaści šukaje kiroŭcu, jaki naśmierć źbiŭ piešachoda

04.10.2015 / 12:21

Dziaržaŭtainśpiekcyja Minskaj vobłaści šukaje vadziciela aŭtamabila, jaki poźnim viečaram u piatnicu, 2 kastryčnika, naśmierć źbiŭ piešachoda na darozie Sucharukija — Hlebkavičy Minskaha rajona.

Incydent adbyŭsia na 2-m kiłamietry hetaj aŭtadarohi kala 21:20. Nieŭstalavany aŭtamabil najechaŭ na mužčynu, u vyniku čaho piešachod pamior na miescy zdareńnia, a kiroŭca ŭciok.

U najeździe padazrajecca kiroŭca aŭtamabila «Subaru Impreza», aryjentyrovačna 2007—2011 hadoŭ vypusku, siniaha abo ciomna-siniaha koleru. Paśla DTZ u mašyny mohuć być paškodžany łabavoje škło, fary, kapot, piarednija kryły, bampier.

DAI prosić vidavočcaŭ zdareńnia źviartacca ź infarmacyjaj u dziažurnuju častku UDAI UUS Minabłvykankama praz teł.: 204-42-44, 229-04-44 abo 102.