AMAP zatrymaŭ 12-hadovaha syna Karatkievič
10.10.2015 / 20:31
Uviečary 10 kastryčnika supracoŭniki milicyi zatrymali ŭ Minsku Jelisieja Karatkieviča, syna kandydata ŭ prezidenty Biełarusi Taćciany Karatkievič. 12-hadovy chłopiec viartaŭsia z kinateatra ź siabram i vyrašyŭ sarvać ahitacyjny płakat kandydata ŭ prezidenty Siarhieja Hajdukieviča, jaki visieŭ na vybarčym stendzie.
fota Źmitra Łukašuka
«My razmaŭlali z supracoŭnikam milicyi, jaki jaho zatrymlivaŭ. Jany pierapisali dadzienyja syna i adpuścili jaho. Ja ŭžo patłumačyła Jelisieju, što tak rabić nielha. Ale heta, vidać, hieny jaho baćki-zubroŭca», — raskazvaje Taćciana Karatkievič Jeŭraradyjo.
Paśla hutarki Jelisieja Karatkieviča adpuścili dadomu. Milicyjaniery taksama paviedamili Taćcianie Karatkievič, što ŭviečary naviedajuć jaje i praviaduć jašče adnu tłumačalnuju hutarku.