Łomać taki vyjaviŭ bujnyja machinacyi ŭ naftavaj sfery
Siońnia Alaksandar Łukašenka pryniaŭ z dakładam staršyniu Kamitetu dziaržaŭnaha kantrolu Zianona Łomacia. Vyjaŭleny ŭron dziaržavie ŭ pamiery 40 miljardaŭ rubloŭ.
14.03.2008 / 20:29
Łomać prainfarmavaŭ Łukašenku adnosna sytuacyi z realizacyjaj u krainie naftapraduktaŭ. Kamitet vyjaviŭ istotnyja złoŭžyvańni ŭ hetaj sfery. Tak, dva hurtovyja dastaŭščyki paliva nanieśli dziaržavie ŭron u 40 miljardaŭ rubloŭ. Hetaja ličba amal roŭnaja toj, jakaja za dva pieršy miesiacy sioleta pastupiła ŭ dziaržaŭny biudžet — 42,3 miljardy rubloŭ.
Łukašenka, paviedamlajecca, daŭ zahad «uzmocnić kantrol za realizacyjaj naftapraduktaŭ».
Jak ličać peŭnyja eksperty, mienavita žadańnie Kamitetu dziaržaŭnaha kantrolu pravieryć naftavy rynak vyklikała chvalu čutak i kampramatu vakoł asoby Zianona Łomacia, jakija pastajanna źiaŭlalisia ŭ pačatku zimy.