Vierasień 2015 hoda pastaviŭ novy suśvietny rekord śpioki
21.10.2015 / 22:20
Minuły vierasień staŭ samym haračym dzieviatym miesiacam u śviecie za ŭsiu historyju nazirańniaŭ i siomym miesiacam hoda, jaki ŭstanaviŭ tempieraturny rekord.
favim.com
Pavodle padlikaŭ Nacyjanalnaha ŭpraŭleńnia ZŠA pa nazirańniach za akijanami i atmaśfieraj, hłabalnaja siaredniaja tempieratura vieraśnia 2015 hoda skłała 15,9 hradusaŭ Celsija (60,62 hradusaŭ Farenhiejta) i pabiła papiaredni rekord vieraśnia 2014 hoda.
Tempieraturnyja rekordy byli zafiksavanyja dla siami ź dzieviaci minułych miesiacaŭ 2015 hoda. Biahučy hod abyšoŭ pa hetych pakazčykach 1998-y, jaki byŭ samym haračym z momantu pačatku rehularnych nazirańniaŭ u 1880 hodzie.
Navukoŭcy-klimatołahi ličać, što pavyšeńnie tempieratur źviazana z hłabalnym paciapleńniem i efiektam El-Nińjo — vahańniem tempieratur pavierchni vady častki Cichaha akijana, prylehłaj da ekvatara.
Samaja mahutnaja faza hetych vahańniaŭ, tak zvanaj Paŭdniovaj ascylacyi, što akazała prykmietny ŭpłyŭ na suśvietny klimat, adbyłasia ŭ 1998 hodzie.