CNN: Ciepłavaja ŭspyška padčas krušeńnia A321 była zafiksavana ŭ pavietry
03.11.2015 / 18:58
Ciepłavaja ŭspyška, zafiksavanaja amierykanskim spadarožnikam padčas krušeńnia łajniera A321 «Kahałymavija», adbyłasia ŭ pavietry. Pra heta sa spasyłkaj na aficyjnuju krynicu paviedamlaje CNN.
Da hetaha ŭdakładnieńnia možna było mierkavać, što spadarožnik zafiksavaŭ momant sutyknieńnia samalota ź ziamloj.
Pa słovach krynicy CNN, u amierykanskaj raźviedki vyklučyli, što A321 byŭ źbity rakietaj, adnak dadzienyja ab ciepłavoj uspyšcy mohuć pakazvać na vybuch na borcie, u tym liku i ŭ vyniku spracoŭvańnia bomby. Pry hetym zastajucca i inšyja tłumačeńni.
***
Samalot A321 avijakampanii Metrojet (staraja nazva — «Kahałymavija»), jaki vykonvaŭ čarterny rejs z Šarm-el-Šejcha ŭ Sankt-Pieciarburh, raźbiŭsia ranicaj 31 kastryčnika. Na jaho borcie znachodzilisia 224 čałavieki, usie jany zahinuli.