Biełaruska-hiermanski enierhietyčny forum projdzie 25 listapada ŭ Minsku
11.11.2015 / 16:46
IV Biełaruska-hiermanski enierhietyčny forum projdzie 25 listapada ŭ Minsku, paviedamiła pres-sakratar Ministerstva enierhietyki Žanna Ziańkievič.
Adnoj z tem mierapryjemstva budzie stan i pierśpiektyvy ŭzajemadziejańnia Biełarusi i Hiermanii ŭ enierhietyčnaj śfiery. Pazicyju biełaruskaha boku pradstavić pieršy namieśnik ministra enierhietyki Leanid Šaniec. Kamiencirujučy majučy adbycca forum, jon adznačyŭ, što za hady sumiesnaha supracoŭnictva Biełaruśsiu i Hiermanijaj paśpiachova realizavany šerah prajektaŭ u śfiery enierhietyki i enierhaefiektyŭnaści, atrymany kaštoŭny vopyt budaŭnictva enierhakrynic na miascovych vidach paliva, raźvićcia adnaŭlalnych krynic enierhii. Supracoŭnictva ŭ hetych śfierach płanujecca pradoŭžyć.
Akramia taho, na forumie zapłanavany dyskusii pa abmienie vopytam u śfiery enierhietyčnych sistem i adnaŭlalnych krynic enierhii, a taksama enierhaefiektyŭnaści i vykarystańnia adnaŭlalnych krynic enierhii ŭ budynkach. U druhoj pałavinie dnia ŭdzielniki mierapryjemstva naviedajuć abjekty ŭ śfiery enierhaefiektyŭnaści i adnaŭlalnych krynic enierhii.
Pavodle słoŭ Žanny Ziańkievič, forum adkryvaje šyrokija mahčymaści dla abmierkavańnia aktualnych pytańniaŭ raźvićcia enierhietyki, pavyšeńnia enierhaefiektyŭnaści, vykarystańnia adnaŭlalnych krynic enierhii, vyvučeńnia suśvietnaha vopytu raźvićcia enierhietyki. «Heta značnaja dla Biełarusi padzieja dapamoža ŭmacavać uzajemavyhadnaje i doŭhaterminovaje supracoŭnictva biełaruskich i zamiežnych kampanij, ukaranić inavacyjnuju pradukcyju i pryciahnuć zamiežnyja inviestycyi», — adznačyła pres-sakratar Minenierha.
Biełaruska-hiermanski enierhietyčny forum arhanizavany Pradstaŭnictvam niamieckaj ekanomiki ŭ Biełarusi pry padtrymcy Niamieckaha sajuza pramysłova-handlovych pałat i Fiederalnaha ministerstva ekanomiki i enierhietyki Hiermanii. Partniorami forumu vystupajuć ź biełaruskaha boku Ministerstva enierhietyki i Departamient pa enierhaefiektyŭnaści Dziaržstandartu, ź niamieckaha — Hiermanskaje enierhietyčnaje ahienctva (Dena). Pieršy taki forum prajšoŭ u 2008 hodzie.