Brusel patrulujecca armijaj, u paniadziełak horad zastaniecca ŭ režymie krajniaj niebiaśpieki
Śpiecapieracyi prajšli ŭ Bruseli kala Hran-plas, a taksama ŭ dvuch imihranckich kvartałach, i ŭ haradach Ljež i Šarlerua. Ale arhanizatara teraktaŭ u Paryžy zatrymać pakul nie ŭdałosia.
23.11.2015 / 01:10
Fota Emaniuela Dziunana, AFP.
Śpiecnaz na vulicach, zakrytyja handlovyja centry i teatry — heta Brusel na vychadnych. Bielhija akazałasia słabym miescam u płanie baraćby z teraryzmam. Ciapier urad krainy sprabuje likvidavać uraźlivaści. U pryvatnaści, havorka idzie pra pierachod na prodaž sim-kart mabilnaj suviazi pa pašpartach. Ale zadača numar adzin siońnia — zatrymać Sałacha Abdesłama, arhanizatara teraktaŭ u Paryžy, i jahonuju bandu. Niadzielnyja abłavy ŭ piaci punktach u Bielhii nie dali vyniku.
Jak paviedamlaje miedyjakampanija RTL, bielhijskaja palicyja pravodzić śpiecapieracyju ŭ centry Brusiela na adnoj z hałoŭnych płoščaŭ horada Hran-płas. «Palicyja prosić žycharoŭ nia padychodzić da voknaŭ», — pieradajuć žurnalisty. Prylehłyja da płoščy vulicy zabłakavanyja.
Dla pierakryćcia vulic u centry Brusiela ŭ chodzie śpiecapieracyi palicyja vykarystoŭvaje haradskija aŭtobusy.
Ministr abarony Bielhii Styvien Vandeput źviarnuŭsia da hramadzian z prośbaj nie vydavać detali pieramiaščeńniaŭ palicyi pa Bruseli ŭ sacyjalnych sietkach.
Nad rajonam praviadzieńnia śpiecapieracyi ŭ bielhijskaj stalicy baražujuć palicejskija viertaloty.
Uśled za zaklikam niekatoryja miascovyja ŚMI, u tym liku miedyjakampanija RTL i šerah vydańniaŭ, zajavili, što spyniajuć paviedamlać padrabiaznaści palicejskaj śpiecapieracyi ŭ Brusieli.
* * *
Paźniej stała viadoma, što śpiecapieracyja skončyłasia zatrymańniami.
Niahledziačy na pahrozu teraktaŭ u paniadziełak u Bruseli projduć sustrečy ministraŭ finansaŭ i adukacyi Jeŭrasajuza.
Paviedamlena, što ŭ paniadziełak u Bruseli zachavajecca 4-y ŭzrovień tryvohi, jaki aznačaje «terakty niepaźbiežnyja». Nie budzie pracavać mietro, zastanucca zakrytyja sadki, škoły i ŭniviersitety.