16 čałaviek aryštavanyja ŭ Bielhii padčas śpiecapieracyi
23.11.2015 / 07:36
16 čałaviek byli aryštavanyja padčas palicejskich apieracyj u Bruseli i jaho vakolicach, paviedamiŭ bielhijski prakuror Eryk van der Sipt.
Asnoŭnaha padazravanaha ŭ napadach na Paryž 13 listapadzie - Sałach Abdesłama - siarod ich nie było. Jaho vyšuk praciahvajecca.
Usiaho ŭ 19 damach u Bruseli i Šarlerua byli praviedzieny pieratrusy, adnak zbroi i vybuchovych rečyvaŭ vyjaŭlena nie było.
Adzin z zatrymanych atrymaŭ traŭmu padčas niaŭdałaj sproby schavacca ad palicyi na aŭtamabili.
Apieracyi suprać isłamistaŭ, jakija mohuć ździejśnić napady, u Bruseli praciahvajucca. Palicyja raniej prasiła ŚMI nie paviedamlać padrabiaznaściaŭ takich apieracyj, a miascovych žycharoŭ — nie pisać u sacsietkach pra toje, dzie palicyja pravodzić apieracyi.