Najlepšy ŭ śviecie: Džokavič staŭ pieršym tenisistam, jaki vyjhraŭ čatyry vynikovyja turniry zapar
23.11.2015 / 08:03
PA
Novak Džokavič (1), jaki u finale ATP World Tour Finals abyhraŭ Rodžera Fiederera (3) ź likam 6:3, 6:4, staŭ pieršym tenisistam, jaki vyjhraŭ vynikovy turnir čatyry hady zapar. Usiaho ŭ karjery 28-hadovaha sierba heta piataja pieramoha na vynikovym (2008).
Uradženiec Biełhrada vyjhraŭ 11-y tytuł u siezonie (try «Šlemy», šeść «Masters»), 59-y ŭ karjery i zaviaršyŭ hod z bałansam pieramoh i paražeńniaŭ 82-6.
Akramia taho, Džokavič, učora zraŭniaŭ lik u supraćstajańni z Rafaelem Nadalem (23-23), zrabiŭšy ŭčora toje ž samaje ŭ historyi sustreč ź Fiedereram (22-22). Suprać kožnaha z astatnich tenisistaŭ Top-15 dziesiacirazovy čempijon «šlema» vyjhraŭ minimum 70% matčaŭ.