Kemieran prapanavaŭ Alandu ŭdaryć pa ID razam
23.11.2015 / 13:39
Francuzski prezident Fransua Aland pryniaŭ u paniadziełak brytanskaha premjer-ministra Devida Kemierana. Vyjšaŭšy ź Jelisiejskaha pałaca, Kemieran zajaviŭ, što Vialikabrytanija budzie nanosić avijaŭdary ŭ Siryi razam z francuzami i daŭ u rasparadžeńnie Francyi brytanskuju avijabazu.
Reuters/Eric Gaillard
«Ja całkam padtrymlivaju dziejańni, zroblenyja prezidentam Alandam dla baraćby ź ID u Siryi, — skazaŭ Devid Kemieran. — I ja pierakanany, što Vialikabrytanija pavinna rabić toje ž samaje». Dla hetaha brytanski premjer maje namier užo na hetym tydni źviarnucca da parłamienta. «Ja pradstaŭlu našamu parłamientu našu ahulnuju (z francuzami) stratehiju», — zajaviŭ jon.
Akramia hetaha, Kemieran pryniaŭ rašeńnie dać u rasparadžeńnie Francyi brytanskuju avijabazu na Kipry.
Paśla paryžskich teraktaŭ Fransua Aland addaŭ zahad uzmacnić bambardziroŭki ŭ Siryi i źviarnuŭsia da lidaraŭ inšych krain z zaklikam stvaryć ahulnuju kaalicyju pa baraćbie ź ID.
Dla taho, kab damovicca ab ahulnaj stratehii, Aland na hetym tydni sustreniecca z amierykanskim prezidentam Barakam Abamam (24 listapada ŭ Vašynhtonie), niamieckim kancleram Anhiełaj Mierkiel (25 listapada ŭ Paryžy) i rasijskim prezidentam Uładzimiram Pucinym (26 listapada ŭ Maskvie).