Невядомы парэзаў у Мінску шыны 20 няправільна прыпаркаваных аўтамабіляў
23.11.2015 / 15:17
Пра гэта паведаміла прэс-афіцэр Ленінскага РУУС сталіцы Таццяна Кавалёва.
Здарэнне адбылося ў выходныя. Неўстаноўлены чалавек пашкодзіў гуму (парэз зроблены, як мяркуецца, вострым прадметам) на дваццаці аўтамабілях, прыпаркаваных у двары дома 12/1 па праспекце Ракасоўскага. Гума пашкоджана выключна на задніх левых колах.
Аператыўнікі Ленінскага РУУС шукаюць зламысніка. Пры наяўнасці якой-небудзь інфармацыі па гэтым факце міліцыя рэкамендуе грамадзянам звяртацца ў Ленінскае РУУС. Канфідэнцыяльнасць і ўзнагароджанне гарантуюцца