U Homieli pjany kiroŭca źbiŭ pjanaha piešachoda
23.11.2015 / 16:28
U Homieli na vulicy 60 hadoŭ BSSR 22 listapada pjany kiroŭca učyniŭ najezd na pjanaha piešachoda
Kiroŭca 1956 hoda naradžeńnia ŭ stanie ałkaholnaha apjanieńnia na aŭtamabili «Folksvahien-Turan» u rajonie prypynku hramadskaha transpartu ŭčyniŭ najezd na piešachoda 1970 hoda naradžeńnia. Jak paviedamili va ŭpraŭleńni DAI UUS Homielskaha abłvykankama, piešachod taksama znachodziŭsia ŭ niecviarozym stanie i pierabiahaŭ darohu ŭ nieŭstanoŭlenym miescy blizu piešachodnaha pierachodu.
U DTZ piešachod atrymaŭ traŭmy hałavy i ŭdar hrudnoj kletki i byŭ špitalizavany ŭ niejrachirurhičnaje addzialeńnie abłasnoj balnicy.
U niejrachirurhiju abłasnoj balnicy trapiła i piešachod 1961 hoda naradžeńnia, jakaja 20 listapada ŭ Homieli pierachodziła darohu na zabaranialny sihnał śviatłafora. DTZ adbyłosia na Rečyckim praśpiekcie. Na žančynu najechaŭ kiroŭca aŭtamabila «Tajota-Piknik». Piešachod atrymała strasieńnie mozhu.