Pfizer kupiŭ viadučaha vytvorcu botaksu
23.11.2015 / 16:36
Amierykanski farmaceŭtyčny kancern Pfizer zaklučyŭ najbujniejšuju ŭhodu ŭ historyi haliny, damoviŭšysia ab nabyćci irłandskaj kampanii Allergan za 160 młrd dalaraŭ.
Atrymanaje ŭ vyniku źlićcia dvuch kampanij pradpryjemstva stanie najbujniejšym farmaceŭtyčnym kancernam u śviecie.
Pry hetym ekśpierty nie vyklučajuć, što štab-kvatera Pfizer pierajedzie ŭ Dublin, kab paźbiehnuć vysokich amierykanskich padatkaŭ.
Pieramovy pamiž Pfizer i Allergan praciahvalisia niekalki tydniaŭ. Paśla zaklučeńnia ŭhody akcyjaniery apošniaj atrymajuć prykładna pa 11 akcyj Pfizer za kožnuju najaŭnuju ŭ ich akcyju Allergan. Uznačalić abjadnany kancern kiraŭnik Pfizer Ien Ryd.
Kampanija Allergan Plc u jaje ciapierašnim vyhladzie była stvoranaja ŭ lutym 2015 paśla kupli kancernam Actavis firmy Allergan Inc.
Abjadnanaja kampanija ŭvachodzić u lik viadučych vytvorcaŭ botaksu i srodkaŭ kaśmietyčnaj chirurhii.
Kancern Pfizer byŭ stvorany ŭ siaredzinie XIX stahoddzia i ličycca adnoj z najbujniejšych farmaceŭtyčnych kampanij u śviecie. Jaho čysty hadavy prybytak aceńvajecca bolš čym u 8 młrd dalaraŭ.