U pieršakłaśnika ŭ Litvie 7 urokaŭ biełaruskaj movy na tydzień, u Biełarusi — 1
23.11.2015 / 21:27
«U zvyčajnaj biełaruskaj škole pieršakłaśniki vyvučajuć biełaruskuju movu tolki adzin raz na tydzień», - ździŭlajucca baćki. Pry hetym ruckuju movu vučać utraja bolš. Dzieciam ciažka zasvojvać dźvie movy adrazu, taki adkaz čynoŭnikaŭ.
alternativaby.com
Užo ŭ druhim kłasie biełaruskaj bolš: dva razy na tydzień. Piacikłaśniki majuć pa try uroki i ruskaj, i biełaruskaj. U dziasiatym kłasie rodnaja mova — adzin raz na tydzień, ruskaja - try, jak u pieršakłaśnikaŭ. U adzinaccatym pa dva uroki abiedźviuch moŭ na tydzień.
A jak ža vučać biełarusaŭ u biełaruskich škołach za miažoj?
U susiedniaj Vilni, u himnazii imia Francyska Skaryny pieršakłaški majuć siem urokaŭ biełaruskaj movy na tydzień.
«Kali jany ŭ nas ź pieršaha kłasa navučajucca ŭsie dvanaccać hadoŭ, to da kanca jany zasvojvajuć movu i razmaŭlajuć dobra. Kali prychodziać u siaredniuju škołu, to nie paśpiavajuć dobra vyvučyć movu, - apisvajuć u himnazii imia Francyska Skaryny ŭ Vilni. — Ale kab pamiž saboj razmaŭlali na biełaruskaj ci doma, to adsotak takich dziaciej vielmi mały».
Litoŭskuju pieršakłaški taksama vučać, ale tolki trojčy na tydzień. U siaredniaj škole i litoŭskaj, i biełaruskaj piać hadzin na tydzień. U staršakłaśnikaŭ na nosie ekzamien, tamu litoŭskaj stanovicca bolš.
«Spačatku jany nie vielmi dobra vałodajuć litoŭskaj. Ale paśla jaje ŭvodzicca bolš, kab možna było zdavać ekzamien», — tłumačać u himnazii Francyska Skaryny ŭ Vilni.
U adzinaj biełaruskaj škole Ryhi biełaruskaja mova ŭ pieršakłašak — try razy na tydzień.
Taki raskład da čacviortaha kłasa, a paśla i da kanca škoły — pa dva uroki. Ruskuju movu tut taksama vyvučajuć, ale rodnaj ličycca biełaruskaja.
«U pieršym kłasie ruskaj movy dźvie hadziny. U inšych škołach jaje bolš. U druhim-čacviortym pa try hadziny. U astatnich kłasach pa dźvie i tolki ŭ dziaviatym try hadziny, bo tam zdajecca ekzamien», — apisvajuć u škole.
Abaviazkovaja dla vyvučeńnia biełaruskaja mova ŭ Polskim hajnaŭskim kompleksie ź liceja i himnazii. U himnazii vučni navučajucca try hady i stolki ž u licei.
«U licei, i ŭ himnazii jość pa try hadziny na tydzień biełaruskaj movy, jak dadatkovaha pradmieta. Heta abaviazkova dla vyvučeńnia», — apisvajuć u Hajnaŭskim kompleksie.
Biełaruskaj, pa słovach administracyi, dzieci vałodajuć.
Z nastupnaha hoda biełaruskaj movy ŭ škołach stanie bolš. Heta vynikaje z adkazu Ministerstva adukacyi na zvarot Jeŭraradyjo:
«Pačynajučy z druhoha kłasa niezaležna ad movy navučańnia na vyvučeńnie biełaruskaj i ruskaj moŭ, biełaruskaha i ruskaha litaraturnaha čytańnia va ŭstanovach ahulnaj siaredniaj adukacyi advodzicca adnolkavaja kolkaść hadzin (na vyvučeńnie biełaruskaj i ruskaj moŭ — try hadziny na tydzień, biełaruskaha i ruskaha litaraturnaha čytańnia — dźvie hadziny na tydzień). Adpaviedna, dla treciaha kłasa pierachod na novy typavy vučebny płan adbudziecca z 2017/2018 navučalnaha hoda, dla čacviortaha kłasa — z 2018/2019 navučalnaha hoda».
Pa try hadziny na tydzień biełaruskuju i ruskuju movy buduć vučyć da dziaviataha kłasa. U dziasiatym i adzinaccatym uviaduć bazavy i pavyšany ŭzrovień. Na bazavym biełaruskuju movu buduć vučyć adnu hadzinu na tydzień, na pavyšanym — try hadziny.