U noč na čacvier miescami čakajecca da minus 9°S, u noč na piatnicu — da minus 12°S

25.11.2015 / 13:39

Petras Slonksnis, WLL

U bližejšyja sutki, 26 listapada, umovy nadvorja na terytoryi Biełarusi budzie vyznačać vobłaść pavyšanaha atmasfiernaha cisku, sfarmiravanaja ŭ prachałodnaj pavietranaj masie. Čakajecca pieramiennaja vobłačnaść. Pieravažna biez apadkaŭ. Nočču i ranicaj miescami tuman, słaby hałalod. Na asobnych učastkach daroh hałalodzica. Viecier paŭdniovy słaby.

Tempieratura pavietra minimalnaja nočču -2..- 7°S, miescami da -9°S, maksimalnaja dniom -3.. + 2°S.

Atmasfierny cisk nočču istotna nie źmienicca, dniom budzie słaba raści.

27 listapada nadvorje ŭ asnoŭnym budzie farmavać vobłaść pavyšanaha atmasfiernaha cisku. Čakajecca pieravažna biez apadkaŭ. Na asobnych učastkach daroh hałalodzica.

Tempieratura pavietra minimalnaja nočču -3..- 9°S, pa ŭschodzie miescami -10..- 12°S; maksimalnaja dniom -3.. + 2°S.

28 listapada nadvorje ŭ asnoŭnym budzie farmavać vobłaść pavyšanaha atmasfiernaha cisku, tolki dniom u krajnich zachodnich rajonach adabjecca ŭpłyŭ vilhotnych pavietranych mas, čarnamorskaha pachodžańnia. Zachavajecca pieravažna biez apadkaŭ nadvorje, tolki dniom u krajnich zachodnich rajonach mahčymy nievialiki mokry śnieh, doždž, słaby hałalod. Na asobnych učastkach daroh hałalodzica.

Tempieratura pavietra minimalnaja nočču -3..- 9°S, pa ŭschodzie miescami -10.. -12°S; maksimalnaja dniom -3.. + 3°S.