Armienija rychtujecca stać parłamienckaj respublikaj, apazicyja suprać
06.12.2015 / 10:13
U niadzielu ŭ Armienii prachodzić refierendum ab papraŭkach da kanstytucyi, jakija praduhledžvajuć pierachod da parłamienckaj respubliki i zamienu mažarytarnych vybaraŭ praparcyjnymi.
Kali prapanovy buduć adobrany, faktyčnym kiraŭnikom krainy stanie premjer-ministr, a prezident pieratvorycca ŭ cyrymanijalnuju fihuru, jakuju buduć abirać deputaty.
Refierendum byŭ inicyjavany kirujučaj Respublikanskaj partyjaj. Apazicyja vystupaje suprać papravak, bačačy ich hałoŭnuju metu ŭ tym, kab dazvolić ciapierašniamu prezidentu Sieržu Sarhsianu zastacca va ŭładzie ŭ jakaści premjera paśla 2018 hoda, kali skončycca jaho druhi prezidencki termin.