Kiraŭnik Eŭraparlamentu asudziŭ dziejańni biełaruskich uładaŭ
Ja rašuča asudžaju palityčna matyvavanyja zatrymańni i raspravu ź biełaruskimi hramadzianami, jakija mirna vykazvajuć svaju prychilnaść da kaštoŭnaściaŭ svabody, demakratyi i pravoŭ čałavieka.
27.03.2008 / 20:44
Hans‑Gert Pottering |
«Vykarystańnie biełaruskimi ŭładami hvałtu suprać mirnych demanstrantaŭ i cisk na niezaležnych žurnalistaŭ supiarečać fundamentalnamu pravu na svabodu słova i vykazvańnia i niesumiaščalnyja z asnoŭnymi demakratyčnymi pravami», — zajaviŭ siońnia kiraŭnik Eŭraparlamentu Hans‑Hiert Pioterynh.
Jon vykazaŭ svaju mocnuju zakłapočanaść z nahody taho, što zatrymanyja aktyvisty apazycyi, jakija ŭziali ŭdzieł u mirnaj demanstracyi 25 sakavika, i žurnalisty byli pakaranyja aryštami da 15 sutak abo vializarnymi štrafami. Kiraŭnik Eŭraparlamentu taksama aburany tym, što KDB pačaŭ pieraśled niezaležnych žurnalistaŭ.
«Ja rašuča asudžaju palityčna matyvavanyja zatrymańni i raspravu ź biełaruskimi hramadzianami, jakija mirna vykazvajuć svaju prychilnaść da kaštoŭnaściaŭ svabody, demakratyi i pravoŭ čałavieka. Eŭrapiejski parlament vykazvaje svaju salidarnaść z usimi, chto abaraniaje svabodu i demakratyju», — zaznačyŭ Hans‑Hiert Pioterynh.
Fota poettering.eu