Rasijski rubiel rezka ŭpaŭ na adkryćci tarhoŭ na fonie patanieńnia nafty
07.12.2015 / 10:35
Kurs dalara da rasijskaha rubla na adkryćci tarhoŭ na Maskoŭskaj biržy ŭ paniadziełak vyras na 50 kapiejek i skłaŭ 68,63 rubla.
Kurs rasijskaj valuty źnižajecca na fonie padzieńnia naftavych kacirovak.
Ceny na naftu pačali padać paśla taho, jak u piatnicu Arhanizacyja krain-eksparcioraŭ nafty (APIEK) pryniała rašeńnie nie prytrymlivacca ŭstanoŭlenych kvot na zdabyču i zachavać faktyčny ŭzrovień zdabyčy, jaki składaje kala 31,5 młn baralaŭ u sutki.
Cana studzieńskich fjučarsaŭ na naftu marki Brent na łondanskaj biržy ICE Futures u paniadziełak da 08:36 pa Maskvie paniziłasia na 0,26 dalara — da 42,74 dalara za baral. Da zakryćcia rynku ŭ piatnicu cana kantraktu źniziłasia na 0,84 dalara — da 43 dalara za baral.