Cudaŭ nie byvaje — Łukašenka pieraściaroh urad ad ekśpierymientaŭ u ekanomicy
07.12.2015 / 12:29
Alaksandr Łukašenka pieraściaroh urad ad ekśpierymientaŭ u ekanomicy. Ab hetym kiraŭnik dziaržavy zajaviŭ siońnia na naradzie ab prajektach prahnozu, biudžetu i hrašova-kredytnaj palityki na 2016 hod.
Kiraŭnik dziaržavy zapatrabavaŭ ad urada kankretnaj pracy. Situacyju ŭ ekanomicy jon acharaktaryzavaŭ jak składanuju — «siońnia ŭ śviecie amal jak byccam vajna idzie».
Alaksandr Łukašenka adznačyŭ: «Treba mabilizoŭvać viadomymi mietadami, jakimi my ŭmiejem dziejničać, razumiejem ich. Treba hruntavacca na ich i dziejničać, a nie padkidvać roznaha rodu ekśpierymienty».
«Mnie patrebny kankretnyja razumnyja prapanovy», — skazaŭ jon. Kiraŭnik dziaržavy vystupiŭ suprać skaračeńnia pakazčykaŭ. «Treba davodzić bolš kankretnych pakazčykaŭ», — miarkuje jon, pryvioŭšy ŭ jakaści prykładu pakazčyk pa stvareńni rabočych miescaŭ dla miascovych orhanaŭ ułady. Heta pasłužyć dla ich dadatkovym stymułam dla pošuku inviestaraŭ, jakija buduć hetyja pracoŭnyja miescy stvarać.
Alaksandr Łukašenka ŭpeŭnieny, što biełaruskaja ekanomika absalutna kankurentnaja pa cenavym faktary i jakaści. «Cudaŭ nie byvaje, u kryzisny čas my nie možam, navat kali zachočam, stvaryć novuju ekanomiku, heta značyć zamiest našaha mašynabudaŭničaha kompleksu, da prykładu, vyrablać niešta kaśmičnaje. Nie zmožam — dy i nie treba. U nas dobryja ludzi, adukacyja, pramysłovaja škoła. Treba troški varušycca, napružvacca», — padkreśliŭ kiraŭnik dziaržavy.
«My nie pavinny dziejničać va ŭhodu kamuści, niachaj heta budzie mižnarodnaja supolnaść, Mižnarodny valutny fond, Rasija i inšyja dziaržavy. My nikoli nikomu nie stvarali prablem», — pradoŭžyŭ jon.
Pry hetym Biełaruś raźličvaje na dapamohu i padtrymku z boku mižnarodnaj supolnaści pierš za ŭsio ŭ ekanomicy, i tolki ŭ ekanomicy. «Nie treba bolš nijakaja padtrymka», — padkreśliŭ Alaksandr Łukašenka.
Biełaruś raźličvaje taksama na padtrymku Rasii, družalubnaj, bratniaj dziaržavy. Tak, kiraŭnik dziaržavy adznačyŭ, što na pradpryjemstvach Rasii, jakija majuć kaapieracyjnyja suviazi ź Biełaruśsiu, pracuje 10 młn rasijanaŭ.