U Tadžykistanie adbyŭsia mahutny ziemlatrus
07.12.2015 / 13:02
U Horna-Badachšanskaj aŭtanomnaj vobłaści na ŭschodzie Tadžykistana, u 22 km ad vysakahornaha voziera Sarez, adbyŭsia mocny ziemlatrus mahnitudaj 7—8. Dadzienych ab achviarach i razbureńniach pakul niama.
Ačah ziemlatrusu zalahaŭ na hłybini da 25 kiłamietraŭ — takija dadzienyja Nacyjanalnaj hieałahičnaj słužby ZŠA.
U Dušanbe adčuvalisia šturški, ale abyšłosia biez razbureńniaŭ. Pa słovach vidavočcaŭ, siarod žycharoŭ Hornaha Badachšana na Pamiry zachoŭvajecca panika. Dzieci vybiahali z navučalnych ustanoŭ, šmat kamu stała błaha.
U abłasnym centry — horadzie Charoh - kursujuć karety chutkaj dapamohi, akazvajučy terminovuju miedycynskuju dapamohu. Ludzi bajacca viartacca ŭ pamiaškańni, bajučysia paŭtornych šturškoŭ. Žychary horada paviedamlajuć taksama, što ŭ budynkach utvarylisia raskoliny.
U Charohu admienienyja zaniatki ŭ škołach. Paśla pieršaha mocnaha šturška byli dva słabiejšyja.
Z Murhabskim rajonam, dzie znachodziŭsia epicentr ziemlatrusu, pakul źviazacca nie ŭdałosia. Mabilnaja suviaź nie pracuje.
Padziemnyja šturški adčuvalisia taksama ŭ Pakistanie, Indyi i krainach Centralnaj Azii.
U kastryčniku hetaha hoda ŭ Centralnaj Azii ŭ vyniku mocnaha ziemlatrusu zahinuli sotni ludziej.