Dziaržaŭnaje kitajskaje ŚMI pamyłkova paviedamiła ab adstaŭcy Si Czińpina
07.12.2015 / 13:25
U Kitai ad pracy adchilili čatyroch redaktaraŭ navinavaha ahienctva China News Service.
Heta adbyłosia paśla taho, jak u materyjale pra vizit prezidenta krainy Si Czińpina ŭ PAR pierabłytali słovy «adstaŭka» i «pramova».
Pamyłka adbyłasia z-za padabienstva hetych słoŭ u kitajskaj movie.
Pakolki navina była apublikavanaja dziaržaŭnym ahienctvam, paviedamleńnie pieradrukavali inšyja kitajskija ŚMI.
Departamient prapahandy kampartyi Kitaja abaviazvaje ŚMI zaŭsiody publikavać hałoŭnyja naviny, i asabliva naviny ab dziaržaŭnych lidarach, sa spasyłkaj na dziaržaŭnyja ahienctvy. U Kitai ahienctva China News Service maje taki ž aficyjny status, jak dziaržaŭnaje ahienctva «Sińchua».