Francuzski navukoviec znajšoŭ pad «Monaj Lizaj» jašče adzin partret
08.12.2015 / 11:22
Francuzski navukoviec Paskal Kate śćviardžaje, što jamu ŭdałosia znajści jašče adzin partret pad karcinaj Leanarda Da Vinčy «Mona Liza».
Pa słovach Kate, jon vyvučaŭ karcinu, vykarystoŭvajučy mietad adlustravańnia śviatła, ciaham dziesiaci hadoŭ.
U 2004 hodzie Łuŭr pradastaviŭ Kate dostup da karciny, i jon zrabiŭ niekalki zdymkaŭ pavodle raspracavanaj im technałohii ŭzmacnieńnia słajoŭ vyjavy (Layer Amplification Method). Mietad dazvalaje prajecyravać na karcinu mahutnaje śviatło i sčytvać jaho adlustravańnie ad pavierchni. Takim čynam Kate, jak jon śćviardžaje, zdoleŭ rekanstrujavać malunak, jaki znachodzicca pad partretam Mony Lizy.
Na rekanstrukcyi vidać malunak čałavieka, jaki hladzić u inšy bok. Akramia taho, na karcinie niama znakamitaj uśmieški Mony Lizy. Pa słovach Kate, žančyna na atrymanym malunku nie padobnaja na Lizu Džerardyni, partret jakoj, jak ličycca, pisaŭ Da Vinčy.
U Łuŭry admovilisia kamientavać zajavy Kate.
Frahmient siužetu «Bi-bi-si», u jakim demanstrujecca mierkavanaja pieršaja viersija «Mony Lizy», apublikavany na Youtube.