CVK Vieniesueły: Apazicyja atrymała dźvie traciny hałasoŭ u parłamiencie
09.12.2015 / 07:31
Centrvybarkam Vieniesueły kančatkova paćvierdziŭ pieramohu apazicyi na parłamienckich vybarach: pa dadzienych vybarčaj kamisii, pravacentrysty atrymali 112 z 167 miescaŭ u adnapałatnaj Nacyjanalnaj asamblei — 67% mandataŭ.
Parłamienckaj bolšaści apazicyi zaraz chapaje navat dla praviadzieńnia refierendumu ab dalejšym znachodžańni sacyjalista, «čavista» Nikałasa Madura ŭ prezidenckim fateli — praŭda, nie raniej za nastupny hod.
Prezidenckija paŭnamoctvy Madury minajuć u krasaviku 2019 hoda.
Pa słovach prezidenta Vieniesueły, u paražeńni «čavistaŭ» — prychilnikaŭ byłoha prezidenta Uha Čavesa — vinavaty bujny biznes, jaki nibyta sabatavaŭ raźvićcio ekanomiki.
Apazicyja moža zaraz vypuścić z turmaŭ źniavolenych palitykaŭ.
Jak miarkujuć analityki, za rasčaravańniem elektaratu ŭ kirujučaj partyi staić niazdolnaść prychilnikaŭ Madury vyjści ź ciažkaha ekanamičnaha kryzisu, u vyniku jakoha, pavodle prahnozaŭ MVF, VUP krainy ŭpadzie pa vynikach hetaha hoda na 10%.
Prablemy Vieniesueły, na dumku analitykaŭ, spravakavanyja padzieńniem cenaŭ na naftu, jakaja źjaŭlajecca asnoŭnym ekspartnym tavaram krainy.
Inflacyja ŭ krainie pieravysiła 80%, u supiermarkietach nazirajecca surjozny niedachop praduktaŭ — takich jak cukar, małako, rys, kava, kukuruznaja muka i alej.
Lidary apazicyi jašče nie pradstavili płan pa vyvadzie krainy z kryzisu.